1. Mano ti pasahek?

Tapno maammuan ti pasahem, maidawat a pindutem ti sumaruno a link:

Taripa ti Plete ti Siudad ken County ti Honolulu

2. Ania ti nakadeposito a gatad?

Ti HOLO kard ket mabalin nga aglaon iti maysa a pass wenno nakadeposito a gatad iti maysa a naka-link nga account. Ti Nakadeposito a gatad ket maysa nga elektroniko nga alternatibo ti kuarta. Ti maysa nga "smart kard" a naglaon iti maysa a microchip ket maikonekta iti maysa nga account nga agpada a makaideposito iti elektroniko a kuarta ken makaiproseso kadagiti pinansial a transaksion. Mabalin pay kagiddan daytoy ket depositoam ti accountmo iti pass.

No usarem ti HOLO, sukimaten nga umuna ti validator ti accountmo tapno maammuan no addaanka iti balido a pass. Kalpasanna, no awan ti pass mo iti accountmo, sukimatenna no addaanka iti umanay a gatad a pangbayad iti pasahem ken ikaltasna ti pasahem no adda.

3. Adda kadi dagiti babayadan wenno singir iti serbisio?

Awan ti regular a babayadan wenno singir iti serbisio iti panangusar iti HOLO. Nupay kasta, adda ti $2 a maminsan a masingir para iti kasukat a kard, ken $2.75 a kababaan no agload wenno agreload kadagiti retail a lokasion. Kalpasan ti umuna a panawen ti panagrugi, ti balorton ti kard ket $2.

4. Adda pay laeng kadi dagiti programa para ti panagibunong ti libre a plete wenno plete ti nababa ti sueldona?

Adda pay laeng dagiti agdama a programa para iti senior, baldado, TheHandi-Van, Medicare ti U.S. ken dagiti programa a subsidio iti pass ti bus para kadagiti indibidual a kualipikado para kadagiti programa. Dagiti pasahero a senior ken baldado nga addaan iti napalaka a plete a HOLO kard ket addaan iti kanayonan a bentahe a loadanda dagiti passda ken gatad iti elektroniko a wagas wenno kadagiti kasali a retail a lokasion.

5. Ikkatendanton kadi dagiti tiket ken pass?

Wen, planomi nga ikkaten ti papel nga inaldaw a pass ken binulan a pass ngem saanmi pay a naikeddeng no kaano. Mablin nga ikkatenmi dagitoy iti tawen 2019.

1. Kasanoak a makaala iti inaldaw a pass?

Ti masapulmo laeng nga aramiden ket aglugan. Tunggal agplete, mapan ti kuartam iti maysa a pang-inaldaw a pass. Agbayad iti dua a biahe iti maysa nga aldaw, makaalaka iti maysa a pang-inaldaw a pass ken libren dagiti dadduman a panagsakaymo agingga iti sumaruno nga aldaw. Ti bisa para iti pang-inaldaw a pass ket manipud 3:00 am iti umuna nga aldaw agingga iti 2:59 am iti sumaruno.

2. Bumisbisitaak laeng, masapulko kadi ti HOLO kard?

Aloha! Saan, ngem no agbayagka iti ili ken namnamaem a masansan nga agluganka, nasaysayaat a mangalaka iti HOLO kard tapno makatipidka. Iti panagusar iti HOLO kard, makaalaka iti maysa a pang-inaldaw a pass kalpasan nga agbayadka iti dua a panagsakay iti maysa nga aldaw. Wenno, mabalinmo laeng nga usaren ti gatad a nakadeposito iti accountmo tapno gumatang iti one way a tiket inton i-tapmo ti HOLO kard iti aniaman nga on-Board reader ken kadagiti istasion ti tren iti masanguanan. Mabalinmo met ti gumatang kadagiti HOLO kard kadagiti kasali a retailer, ken iti opisina ti TheBus Pass, uray pay kadagiti Ticket Vending Machine (TVM) iti masanguanan kadagiti istasion ti tren iti masakbayan.

3. Sadino ti mabalin a pakaalaak iti HOLO kard? Mabalinko kadi nga ipabuson daytoy kaniak?

Nangrugi a mailako dagiti HOLO kard ti nataengan kadagiti lokal a kasali a retailer idi otonio ti 2019. Maidawat a bisitaem ti websitemi tapno makitam dagiti lokasion kas sumalida. Sidadaan dagiti kard a para iti Senior, Agtutubo, Baldado, Medicare iti Opisina ti TheBus Pass. Dagiti Satellite City Hall ket mangipaay met kadagiti kard a para iti Senior, Agtutubo ken Nataengan iti masanguanan. Nangrugi a maibunong dagiti HOLO kard ti TheHandi-Van idi kalgaw ti 2020. Masarakan dagiti lokasion ken mapa iti www.holocard.net.  Dispensarem, saan a sidadaan dagiti kard babaen iti koreo.

4. Sagmamano ti HOLO kard?

Adda ti $2 a singir para kadagiti baro ken kasukat a HOLO kard. Bayat ti damo a panawen ti panagiwaras, dagiti kard ket libre.

5. Umaw-awatkayo pay kadi iti kuarta?

Wen. Mabalinmo pay laeng ti agusar iti kuarta tapno gumatang iti one way a panaglugan iti TheBus ken iti masanguanan kadagiti nakaiskediul a panaglugan iti TheHandi-Van. Mabalinmo met a reloadan ti HOLO kardmo babaen iti kuarta iti uray ania a retail a lokasion a nakalista iti daytoy a website mi kairamanan ti Times ken Foodland. Opisina ti TheBus Pass idiay Kalihi Transit Center ken kadagiti Ticket Vending Machine (TVM) kadagiti istasion ti tren iti masanguanan.

6. Makagatangak pay kadi iti binulan a pass?

Babaen iti HOLO kardmo mabalinka a gumatang iti binulan a pass kadagiti kasali a retailer, ken iti Opisina ti TheBus Pass idiay Kalihi Transit Center. Mabalinmo pay ti ag-sign up iti accountmo para iti autoload tapno awtomatiko a maloadan ti binulan a passmo para kenka ken ikaltas daytoy iti credit wenno debit kardmo. Mabalinmo pay ti mangi-load iti gatad iti kastoy a wagas.

1. Masapulko kadi ti ag-tap tunggal agluganak? Masapulko met kadi ti ag-tap off?

Wen – ti panag-tapmo ket pammaneknek iti panagbayad. I-tapmo ti kardmo iti validator ti HOLO kard a masarakan iti pagserrekan ti bus, iti maysa a device nga us-usaren ti drayber ti TheHandi-Van ken kadagiti faregate validator a dandanin maikabil kadagiti istasion ti tren iti tunggal kanito nga agluganka iti bus wenno tren. Urayem agingga a makitam ti shaka sign wenno mangngegmo ti uni ti ukulele. Daytoy ti mangipakaammo a nabayadanen ti pletem.

No makakitaka iti senyales a mangipakita iti "Naawaten ti bayad" ti kayat a sawen dayta ket nabasan ti kardmo ken mabalinmon ti agtuloy. Addaantayo iti passback feature a ti kayatna a sawen ket saan a mabalin a masingir iti mamindua a daras ti kardmo iti isu met laeng a validator iti baet ti dua laeng minuto. Daytoy ti mangisigurado a saan a madoble ti masingir kenka ngem kaipapananna pay a saanmo a mabalin ti agbayad iti nasursurok ngem ti plete babaen iti maymaysa a kard.

Saanmon a masapul ti ag-tap inton bumabaka iti TheBus wenno iti TheHandi-Van. Inaramidmi ti kabaelanmi a mapasimple a talaga ti HOLO. Kadagiti istasion ti tren iti masanguanan, masapolmo nga i-tap ti HOLO kardmo tapno makastrek ken makaruarka. Masingirka para iti biahem apaman a sumrekka.

2. Ania dagiti benepisio ti HOLO kard? Ania ti nakaidumaanna daytoy manipud iti agdama a sistema?

Isu latta ti plete, ken balido latta dagiti pass para iti isu met laeng a tiempo ita. Ti HOLO ket nasaysayaat laeng a wagas ti panagbayad iti pletem ken pinalakami pay daytoy para kadagiti agus-usar iti pang-inaldaw a pass babaen iti feature nga "Makaala iti Pang-inaldaw a Pass". Iti HOLO:

  • I-tapmo ti HOLO kardmo iti pangbasa iti HOLO no agluganka ti bus wenno iti TheHandi-Van wenno kadagiti istasion ti tren iti masanguanan tunggal agluganka.
  • Mabalinmo a maprotektaran ti balansem manipud iti pannakapukaw wenno pannakatakaw babaen iti panangirehistro iti kardmo iti website ti HOLO (www.holocard.net)
  • Mabalinmo ti makaala iti pang-inaldaw a pass imbes a gumatangka saksakbay iti pang-inaldaw a pass…Saanka nga agbayad iti nasursurok ngem iti gatad ti pang-inaldaw a pass iti maysa nga aldaw.
  • Ti binulan a pass ket mabalin nga i-load iti accountmo online, kadagiti kasali a lokal a retailer ken iti opisina ti TheBus pass.
  • Mabalinmo ti umakar iti aniaman a TheBus, TheHandi-van wenno iti istasion ti tren iti masanguanan babaen iti panangusarmo iti HOLO kardmo.

3. Masapulko kadi ti mangala iti HOLO kard?

Saan, mabalinmo latta ti agusar iti kuarta no sumakayka iti TheBus ken TheHandi-Van ngem masapulmo ti HOLO kard no agsakayka iti tren. Pagtipidennaka ti HOLO kardmo iti kuarta babaen iti panangala iti pang-inaldaw a pass kas agluganka ken saanmo a masapul ti agbayad ti nasursurok ngem iti kasapulan.

4. Palagipannak kadi ti HOLO no nababan ti balansek?

No nababan ti balansem, makakitaka iti duyaw a pakdaar iti akinngato a kannigid a suli ti validator kalpansanka nga ag-tap

5. Kasanoak a makaala iti HOLO kard?

Pangngaasim ta kitaem ti website-mi para kadagiti lokasion ti retail tapno makaala iti HOLO kard a pangnataengan. Para kadagiti senior (nalablabes ngem 65), agtutubo (agtawen 6-18), kualipikado a baldado ken agus-usar iti Medicare, maidawat a bisitaenyo ti opisina ti TheBus pass idiay Kalihi Transit Center ket itugotyo ti balido nga ID (ken dagiti balido a dokumento para iti Medicare ken baldado) tapno makaala iti kard. Iti masanguanan, dagiti agusar a senior, agtutubo ken nataengan ket mabalin a makaala pay kadagiti kard kadagiti Satellite a City Hall.

6. Adda kadi panagpaso dagiti HOLO kard?

Saan nga agpaso dagiti kard. Dagiti pisikal a kard ket agpaut iti kababaan ti 5 a tawen, no laketdi saanmo nga abutan wenno dadaelen dagitoy.

7. Mabalin kadi nga ikabil ti HOLO kardko iti pitakak?

1. Nasken kadi nga irehistrok ti HOLO kardko?

Ti maysa kadagiti kasayaatan a feature ti HOLO kard ket ti pannakaprotekta ti kuartam no kas pangarigan ket mapukaw wenno matakaw ti kardmo. Ngem no kayatmo daytoy a proteksion, masapulmo nga irehistro ti kardmo iti www.holocard.net

Ti panangirehistro iti kardmo ket addaan iti adu a pagimbagan:

  • Proteksion ti kard ken account - No mapukaw wenno matakaw ti kardmo, nalakam nga i-deactivate ti kard, agset-up iti baro a kard nga addaan akses iti agdama a passmo ken wenno iti gatad a nakadeposito.
  • Ag-reload ken gumatang kadagiti pass online.
  • I-set-up ti autoload.
  • Nalakam nga imatonan ti adu a kard para iti pamilia wenno grupo.

2. Natalged kadi ti pinansial nga impormasionko?

Wen. Ti personal a datos ken impormasion ti bangkom ket adda iti natalged a database ken saan nga iti mismo a kard. Ti database ti HOLO ket saan nga agidulin kadagiti numero ti kredit kard, kadagiti token laeng ken ti maudi nga uppat a numero ti kredit wenno debit kard tapno pagbasaram.

3. Ania ti personal nga impormasion ti alaen ti HOLO?

No piliem nga irehistro ti HOLO kardmo, dawatenmi ti nagan ken apelyidom ken ti email addressmo. Usarenmi ti anonymous a datos ti panagbiahem (makita a kadua dagiti panagbiahe dagiti dadduma nga agluglugan) tapno nalawlawag ti pannakaawatmi iti rideship trends ken tapno matulongankami a mangpasayaat iti serbisiomi. Babaen iti pammalubosmo, usarenmi ti datos ti transaksionmo tapno matulonganka inton umawagka kadakami maipapan iti saludsod a mainaig iti accountmo.

4. Kasapulak kadi ti smartphone wenno internet tapno mausarko ti HOLO?

Saan, saanmo a kasapulan ti website ti HOLO tapno mausarmo ti HOLO. Mabalinmo met a reloadan ti HOLO kardmo kadagiti kasali a lokal a retailer, iti Opisina ti TheBus Pass idiay Kalihi Transit Center, ken babaen iti panagtawag iti 808-768-HOLO Lunes agingga’t Biernes manipud 7:30 ti bigat agingga’t 4:00 ti malem.

5. Kasapulak kadi ti account iti bangko para iti HOLO?

Saan, saanmo a kasapulan ti account iti bangko tapno mausar ti HOLO. Mabalinmo ti gumatang ken agreload kadagiti kard babaen iti panagusar iti kuarta iti aniaman kadagiti kasali a retailer Sentro ti Serbisio iti Kostumer ti TheBus ken kadagiti Ticket Vending Machine (TVM) iti masanguanan kadagiti istasion ti tren iti masakbayan.

6. Mabalinko kadi a bayadan ti nasursurok ngem maysa a plete ti aglugan babaen iti kardko?

Saan. Tunggal maysa nga agtawen iti 6 ken agpangato iti grupom wenno pamiliam ket masapulda ti bukodda a HOLO kard tapno pagbayad iti plete. Nupay kasta, nalakam nga imatonan ti adu a kard babaen iti HOLO account iti website ti HOLO (www.holocard.net).

7. Mabalinko kadi ti agbayad babaen iti teleponok?

Saan pay, ngem namnamaenmi nga iyeg daytoy nga opsion kenka iti masanguanan. Mabalinmo a loadan iti gatad ti HOLO kardmo babaen iti teleponom babaen iti panang-akses iti accountmo idiay mobile a website www.holocard.net

8. Kasanok nga i-load ti kuarta wenno ti pass iti kardko?

Adda uppat a wagas ti panag-load iti kuarta iti HOLO kardmo:

  • Idiay www.holocard.net
  • Babaen iti panagtawag idiay 1-808-768-HOLO (4656)
  • Iti uray ania nga tiendaan iti retail a networkmi
  • Iti Opisina ti TheBus Pass idiay Kalihi Transit Center
  • Kadagiti ticket vending machine iti istasion ti tren iti masakbayan

Babaen iti HOLO kardmo mabalinka a gumatang iti binulan a pass kadagiti kasali a retailer, ken iti Opisina ti TheBus Pass idiay Kalihi Transit Center. Mabalinmo pay ti ag-sign up iti accountmo para iti autoload tapno awtomatiko a maloadan ti binulan a passmo para kenka ken maikissay daytoy iti credit wenno debit kardmo. Mabalinmo pay ti mangi-load iti gatad iti kastoy a wagas.

9. Adda kadi ti kababaan a gatad ti load?

Adda ti $2.75 a kababaan no agloadka iti kuarta iti HOLO kardmo.

10. Kasanok a makita ti balanse iti kardko wenno ti nabatbati pay nga oras iti passko?

Mabalinmo a kitaen ti balansem iti HOLO kardmo wenno ti pass idiay www.holocard.net, wenno babaen iti telepono idiay 1-808-768-HOLO (4656).

11. Mabalinko kadi nga i-set up ti HOLO nga awtomatiko nga agnayon iti kuarta iti kardko no nababan ti balansek?

No irehistrom ti kardmo online, mabalinmo nga i-set up ti autoload, nga agikabil iti kuarta iti HOLO kardmo tunggal bumaba ti balansem iti labes ti pagpatinggaan a gatad nga ikabilmo a mabalin kas kababa ti $2.75. Mabalinmo nga i-set ti gatad a mai-load iti kardmo iti gatad nga agrugi iti $5.00 no madanonna ti pagpatinggaan; iti daytoy a wagas, saanka pulos a maawanan iti pasahe.

12. Mabalinko kadi ti agiyakar iti balanse manipud iti dua a kard?

Wen! Mabalinmo ti agiyakar kadagiti pondo manipud kadagiti kard nga adda iti uneg ti account mo wenno umawagka laeng kadakami iti 1-808-768-HOLO (4656).

1. Sadino ti personal a pakaalaak iti serbisio iti kostumer?

No kayatmo ti makaala iti personal a tulong, mabalinmo ti mapan iti maysa kadagiti opisinami:

  • Ti Opisina ti TheBus Pass, Kalihi Transit Center, 601 Middle Street, Honolulu, HI ket silulukat kadagiti aldaw ti lawas manipud 7:30 ti bigat agingga 4:00 ti malem.
  • Ti grupomi iti serbisio iti kostumer ti HOLO ket sidadaan babaen iti telepono iti 1-808-768-HOLO (4656) manipud 7:30 ti bigat agingga’t 4:00 ti malem Lunes agingga’t Biernes.

2. Kasanok nga ireport no napukaw wenno natakaw ti kardko?

No inrehistrom ti HOLO kard ken napukaw daytoy wenno natakaw, ipakaammom a dagus kadakami babaen iti panag-log in iti account mo ken panangpilim iti “Ireport ti Napukaw wenno Natakaw” iti website ti HOLO www.holocard.net, wenno umawagka kadakami iti 1-808-768-HOLO (4656). Ti balanse ti nakarehistro a kard ket naprotektaran no man mapukaw wenno matakaw daytoy.  No inreportmo a napukaw wenno natakaw ti kardmo, ma-deactivate dayta a kard ken mabalin nga iyakar ti balansem iti maysa a baro a kard.

3. Kasanok a masubli ti kuartak kalpasan a mapukaw wenno matakaw ti kardko?

No nakarehistro ti kardmo, mabalinmi nga iyakar ti kuarta wenno pass iti kasukat a HOLO kard, apanmo alaen ti kard iti maysa a kasali a retailer wenno iti Opisina ti TheBus Pass idiay Kalihi Transit Center kalpasanna umawagka kaniami iti 1-808-768-HOLO(4656) wenno mapanka online iti www.holocard.net. Dagiti kard ket agbalor iti $2 tunggal maysa.

4. Apay ta na-block ti kardko?

Dagiti kard ket ma-block babaen iti akin-iggem iti account no kiddawenda iti ahente ti serbisio iti kostumer iti 808-768-4656(HOLO) wenno mabalinmo mismo nga i-block ti kardmo idiay www.holocard.net

No ma-block ti maysa a kard, maiyapan daytoy iti maysa nga "hotlist". Ti kaipapananna daytoy ket no mai-tap daytoy iti pangbasa iti kard adda negatibo nga uni ken saan a makabayad ti kostumer para iti pasaheda babaen iti HOLO kard.

Mai-block met dagiti kard babaen iti sistema no mausar ti kard nga addaan iti kurang a pondo. Iti kastoy a kaso, maibilang ti kard a nagbalin a "negatibo". No agbalin a "negatibo" ti kard masapul a loadan ti agus-usar ti kard tapno mabayadan ti negatibo a gatad ken agnayon iti umanay a pondo tapno makalugan manen.

5. Kasanok nga ikkaten ti pannaka-block ti kardko?

Mabalinmo nga ikkaten ti pannaka-block ti kardmo babaen ti panagtawag iti Call Center ti HOLO iti 808-768-4656(HOLO). No ma-block ti kard gapu iti kurang a gatad, mabalinmo ti agnayon iti gatad idiay www.holocard.net wenno iti lokal a retailer.

6. Ania ti mapasamak no i-deactivateko ti kardko?

Agtalinaed ti balansem iti HOLO accountmo. Temporariomi laeng ang i-shut off dayta a kard tapno awan ti makausar iti daytoy. Mabalinmo ti ag-log in iti accountmo ken piliem ti “I-reactive ti Kard” tapno mabalin manen nga usaren daytoy. No mangalaka iti maysa a baro a kard, awagannakami iti 1-808-768-HOLO (4656) ket iyakarmi ti balansem iti baro a kardmo.

General Contact
Address ti Koreo:
TheBus Customer Services Department
811 Middle Street
Honolulu, HI 96819